Góður arkitektúr og mannvænt umhverfi

Skapa góðan arkitektúr og mannvænt umhverfi með áherslu á umhverfisvæna hugsun í arkitektúr. Taka þátt í faglegri umræðu og hafa með því áhrif og sýna samfélagslega ábyrgð. Hafa ávallt faglegan og fjárhagslegan styrk til að takast á við krefjandi verkefni. Taka þátt í samstarfi við aðra hönnuði um verkefni, hérlendis og/eða erlendis og auka þannig við þekkingu sína og reynslu. Leita hagkvæmra og skynsamlegra lausna fyrir viðskiptavini. Ávallt skipa hæfu starfsfólki og stuðla að samheldni þess og starfsgleði, m.a. með því að veita því tækifæri til að þróast og vaxa með störfum sínum. Við veitum viðskiptavinum trausta, áreiðanlega og örugga þjónustu m.a. með því að starfrækja virkt gæðastjórnunarkerfi skv. ISO 9001 og vinna að stöðugum umbótum á því. Stuðla að símenntun starfsfólks með þátttöku í námskeiðum, samkeppnum, námsferðum og þjálfun í skipulegum vinnubrögðum skv. gæaðstjórnunarkerfi ASK arkitekta. Að farið sé að kröfum sem eiga við starfsemi, þ.m.t. lögum og reglugerðum.

‍

ASK arkitektar hafa frá upphafi haft sjálfbærni að leiðarljósi í starfsemi stofunnar.  Við erum stolt af því að hafa hannað eitt af fyrstu vistvænu húsunum á Íslandi  sem er  Sesseljuhús á Sólheimum, byggt  árið 2002.

Í sjálfbærninálgun arkitektúrs og skipulags leggjum við áherslu á að taka tilllit til umhverfis, samfélags og efnahags á öllum stigum ferlisins.

‍

Umhverfisstefna ASK arkitekta tekur till allrar starfsemi fyrirtækisins:

‍

• Áhersla er lögð á að efla umhverfisvitund starfsmanna

• Við viljum vera í fremstu röð í umhverfisvænni hönnun og skipulagi

• Með sjálfbæra hönnun að leiðarljósi og áherslur á vistvæn byggingarefni og lausnir, leitumst við í vinnu okkar við að minnka kolefnisspor bygginga og umhverfis

• ASK arkitektar eru aðilar að samtökunum  Grænni byggð

‍

Við hvetjum  viðskiptavini til að velja umhverfisvænar lausnir

‍

• Við fáum utanaðkomandi aðila til þess að kynna fyrir okkur vistvæn byggingarefni

• Við leitumst við að viðhalda og auka við  þekkingu starfsfólks á ýmsum vottunarkerfum, svo sem BREEAM og Svaninum

• Við leitumst við að lágmarka neikvæð umhverfisspor stofunnar

• Starfsfólk er hvatt til að nýta sér vistvæna ferðamáta til og frá vinnu en stofan hefur til umráða deilibíl sem starfsfólk hefur aðgang að á vinnutíma

• Við leitumst við að minnka urðun úrgangs með bættri flokkun sorps.

• Við færum okkur sífellt nær pappírslausu vinnuumhverfi í vinnu okkar.

‍